ຄະນະໂຄສະນາອົບຮົມແຂວງ​ສະ​ຫວັນ​ນະ​ເຂດລົງເຄື່ອນໄຫວຕິດຕາມຊຸກຍູ້ມອບເຄື່ອງຊ່ວຍເຫຼືອ...

ສ້າງຂື້ນເມື່ອ ວັນສຸກ, 30 ຕຸລາ 2020 07:11
ຂຽນໂດຍ ກິຕ້າ

ຄະນະໂຄສະນາອົບຮົມແຂວງສະ​ຫວັນ​ນະ​ເຂດລົງເຄື່ອນໄຫວຕິດຕາມຊຸກຍູ້ມອບເຄື່ອງຊ່ວຍເຫຼືອໃຫ້ແກ່ 2 ເມືອງເມືອງພີນ ແລະ ເມືອງເຊໂປນ ທີ່ຖືກນ້ຳຖ້ວມ.

ມາໃນວັນທີ 22/10/2020 ຜ່ານມາ ຄະນະໂຄສະນາອົບຮົມແຂວງນໍາໂດຍ ທ່ານ ແກ້ວອຸດອນແກ້ວດວງດີ ຮອງຫົວໜ້າ ຄະນະໂຄສະນາອົບຮົມແຂວງ, ພ້ອມດ້ວຍວິຊາການ 2 ສະຫາຍ, ໄດ້ລົງເຄື່ອນໄຫວຕິດຕາມຊຸກຍູ້ມອບເຄື່ອງຊ່ວຍ ເຫຼືອໃຫ້ແກ່ 2 ເມືອງເມືອງພີນ ແລະ ເມືອງເຊໂປນທີ່ຖືກນ້ໍາຖ້ວມ. ເຊີ່ງແຕ່ລະເມືອງມີດັ່ງນີ້:

ເຊິ່ງທາງເມືອງໄດ້ລະດົມກຳລັງລົງຊ່ວຍປະຊາຊົນ, ໄດ້ນຳເອົາເຂົ້າ, ນ້ຳດຶ່ມລົງຊ່ວຍໃນເຂດທີ່ຖືກນ້ໍາຖ້ວມ. ໂດຍທົ່ວໄປແລ້ວປະຊາຊົນແມ່ນຍັງມີຄວາມເຊື່ອໝັ້ນຕໍ່ການຊີ້ນຳໆພາຂອງອົງຄະນະພັກເມືອງ.

ຈາກນັ້ນທ່ານ ແກ້ວອຸດອນ ແກ້ວດວງດີ ຮອງຫົວໜ້າຄະນະໂຄສະນາອົບຮົມແຂວງໄດ້ຊີ້ນຳໃຫ້ເອົາໃຈໃສ່ທາງດ້ານແນວຄິດການເມືອງ, ປຸກລະດົມທຸກກຳລັງແຮງຂອງການຈັດຕັ້ງ-ສັງຄົມ ເຂົ້າຊ່ວຍເຫຼືອຜູ້ຖືກນ້ຳຖ້ວມ ເພື່ອ​ຊ່ວຍ​ເຫຼືອ​ເພື່ອນ​ມະ​ນຸດ​ດ້ວຍ​ກັນ, ເພື່ອຫຼິກລ້ຽງການກ່າວໂຈມຕີໃສ່ຮ້າຍປ້າຍສີຕໍ່ການນໍາພາຂອງພັກ-ລັດ ແລະ ການຈັດຕັ້ງຂັ້ນເທີງ.

ນອກນັ້ນຄະນະໂຄສະນາອົບຮົມແຂວງຍັງໄດ້ມອບນ້ຳດຶ່ມໃຫ້ຄະນະຮັບຜິດຊອບໄພພິບັດເມືອງພີນ ມີນ້ຳຈຳນວນ 60 ແຟັກມູນຄ່າ 480,000 ກີບ.

 

 ໃນຕອນທ້າຍທ່ານ ແກ້ວອຸດອນ ແກ້ວດວງດີ ຮອງຫົວໜ້າຄະນະໂຄສະນາອົບຮົມແຂວງ ໄດ້ເນັ້ນຕຶ່ມໂດຍພື້ນຖານແລ້ວກໍ່ມີຄວາມເຊື່ອໝັ້ນຕໍ່ການນຳພາຂັ້ນເມືອງ ແຕ່ໃຫ້ເອົາໃຈໃສ່ຄື:

  1. ເອົາໃຈໃສ່ຕື່ມນຳພາດ້ານການເມືອງ-ແນວຄິດ ແລະ ບັນຫາຫາງສຽງສັງຄົມພາຍໃນເມືອງ.
  1. ຄວາມສະຫງົບປອດໄພຂອງປະຊາຊົນໂດຍສະເພາະກຸ່ມແກ່ງສວຍໂອກາດ.
  2. ດ້ານສຸກຂະພາບຂອງພໍ່ແມ່ປະຊາຊົນໃນເວລານ້ຳບົກຫຼືບັນຫາອື່ນໆ

ຈາກນັ້ນກໍ່ໄດ້ໄປເບິ່ງຕົວຈິງບ້ານວັງໂຄ້ງທີ່ຖືກນ້ຳພັດໄປຈົນໝົດ​ບ້ານ ເຫຼືອແຕ່ເຮືອນ 2 ຫຼັງແລ້ວກໍ່ໄດ້ມອບນ້ຳດຶ່ມຈຳນວນ 70 ແຟັກ, ມູນຄ່າ 560,000 ກີບ ໃຫ້ອໍານາດການປົກຄອງບ້ານທີ່ຖືກເຄາະຮ້າຍ.

ລວມທັງ 2 ເມືອງ ມີນ້ຳ 130 ແກ໋ດ, ລວມມູນຄ່າ 1,040,000 ກີບ ໃນ​ນັ້ນ​ຫ້ອງ​ການ​ໃຫ້ 50 ແຟັກ, ລະ​ດົມ​ໄດ້​ທາງນອກ 80 ແຟັກ.