ຄະນະໂຄສະນາອົບຮົມແຂວງສະຫວັນນະເຂດຮ່ວມກັບກົມສັງລວມຂໍ້ມູນສານ...

ລາຍລະອຽດ

ສ້າງຂື້ນເມື່ອ ວັນພຸດ, 25 ພະຈິກ 2020 03:35

ຂຽນໂດຍ thongarn

           ໃນວັນທີ 3-5/11/2020 ການຝຶກອົບຮົມໄດ້ຈັດຂຶ້ນຢູ່ສະໂມສອນເມືອງ ເຂົ້າຮ່ວມໃນຄັ້ງນີ້ ມີບັນດາທ່ານການນໍາຫຼັກແຫຼ່ງຂອງເມືອງ, ສະຫາຍເລຂາພັກເມືອງ, ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ຄະນະພັກຮາກຖານ, ຫົວໜ້າຈຸດສຸມ ແລະ ບັນດາທ່ານທີ່ຖືກແຕ່ງຕັ້ງໃນຄະນະກໍາມະການເກັບກໍາຫາງສຽງ - ສັງຄົມ ຂັ້ນເມືອງ.

ໃນໂອກາດເປີດຝຶກອົບຮົມວຽກງານຫາງສຽງ-ສັງຄົມຄັ້ງນີ້ໄດ້ຮັບກຽດການເປັນປະທານຂອງສະຫາຍ ອຸໄພວັນ ໄຊຍະວົງ ເລຂາພັກເມືຶອງເຈົ້າເມືອງໆອາດສະພັງທອງ, ພິເສດແມ່ນ ທ່ານ ນ. ແສງຕານ ແກ້ວອິນດາປິ່ງ ຫົວໜ້າກົມສັງລວມ - ຫາງສຽງ ຄະນະໂຄສະນາອົບຮົມສູນກາງພັກ ແລະ ທ່ານ ແກ້ວອຸດອນ ແກ້ວດວງດີ ຮອງຫົວໜ້າຄະນະໂຄສະນາອົບຮົມແຂວງ ພ້ອມດ້ວຍພະນັກງານຂະແໜງສັງລວມຂໍ້ມູນຂ່າວສານຫາງສຽງ - ສັງຄົມ.

          ການຝຶກອົບຮົມໃນຄັ້ງນີ້ໄດ້ມີນັກສໍາມະນາກອນເຂົ້າຮ່ວມທັງໝົດ 45 ສະຫາຍ. ສໍາລັບດ້ານເນື້ອໃນເອກະສານປະກອບມີ 4 ບົດ, ຂຶ້ນຫ້ອງ 17 ຊົ່ວໂມງ ແລະ ມີການແລກປຽ່ນຄໍາຄິດຄໍາເຫັນ 4 ຊົ່ວໂມງ. ເຮັດໃຫ້ຜູ້ເຂົ້າຮ່ວມຮັບຮູ້ ແລະ ເຂົ້າໃຈບັນຫາຕ່າງໆຂອງວຽກຫາງສຽງສັງຄົມ, ສາມາດຈໍາແນກໄດ້ ອັນໃດແມ່ນຂ່າວລື, ອັນໃດແມ່ນຫາງສຽງຂອງສັງຄົມ, ອັນໃດແມ່ນຖ້ອຍທໍານອງບິດເບືອນໃສ່ຮ້າຍປ້າຍສີ ແລະ ຮູ້ພາລະບົດບາດໜ້າທີ່ຂອງໜ່ວຍງານສັງລວມຫາງສຽງສັງ ຄົມ ທີ່ຮັບໃຊ້ໃຫ້ແກ່ວຽກງານການເມືອງແນວຄິດໃນໄລຍະໃໝ່.

ການຝຶກອົບຮົມໄດ້ດໍາເນີນເປັນເວລາ 3 ວັນຈິ່ງສໍາເລັດຕາມລໍາດັບຄາດໝາຍ ແລະ ໄດ້ມີການມອບໃບຢັ້ງຢືນໃຫ້ນັກສໍາມະນາກອນ. ໃຫ້ກຽດມອບໃບຢັ້ງຢືນໃນຄັ້ງນີ້ແມ່ນ ທ່ານ ວົງເພັດ ໄຊສະຫງວນ ຮອງເລຂາພັກແຂວງ, ຫົວໜ້າຄະນະໂຄສະນາອົບຮົມແຂວງ ພ້ອມທັງມີການໂອ້ລົມ ແລະ ກ່າວປິດກອງປະຊຸມໃນຕອນເຊົ້າຂອງວັນທີ 5/11/2020.

• < ຕໍ່ໄປ
• ຕໍ່ໄປ >