ພິທີປາຖະກະຖາ 3 ວັນປະຫວັດສາດສຳຄັນຂອງ ຊາດຂອງພັກ

ສ້າງຂື້ນເມື່ອ ວັນພະຫັດ, 25 ມີນາ 2021 02:50
ຂຽນໂດຍ ກິຕ້າ

ພິທີປາຖະກະຖາ 3 ວັນປະຫວັດສາດສຳຄັນຂອງ ຊາດຂອງພັກ

ໃນຕອນເຊົ້າວັນທີ 18 ມີນາ 2021 ທີ່ສະໂມສອນຫ້ອງວ່າ ການປົກຄອງແຂວງສະຫວັນ ນະເຂດ ໄດ້ຈັດພິທີປາຖະກະຖາ 3 ວັນປະຫວັດສາດສຳຄັນຂອງ ຊາດຂອງພັກຄື: ວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 66 ປີ (22/03/1955-22

/03/2021), ວັນຄຽດ ແຄ້ນຂອງປະຊາຊົນລາວ-ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະ ເທດຊາດ ຄົບຮອບ 75 ປີ (21/03/1946-21/03/ 2021) ແລະ ວັນສ້າງຕັ້ງ ອົງການກວດກາພັກ-ລັດ ຄົບ ຮອບ 39 ປີ (16/ 02/ 1982- 16/02/2021) ເຊິ່ງເຂົ້າຮ່ວມມີບັນດາ ​ສະ​ຫາຍເລຂາ, ຮອງເລຂາ, ຄະນະພັກຮາກຖານ, ໜ່ວຍພັກ, ຫົວໜ້າ, ຮອງຫົວໜ້າພະແນກການ-ກົມກອງ, ອົງການແນວລາວສ້າງຊາດ, ອົງການຈັດຕັ້ງມະຫາຊົນ, ຄະນະບັນຊາການກໍາລັງປ້ອງກັນຊາດ-ປ້ອງກັນຄວາມສະເຫງົບ, ຕະຫຼອດຮອດບັນດາສະຖາບັນການສຶກສາພາກລັດ ແລະ ເອກະຊົນ, ບໍລິສັດວິສະຫະກິດອ້ອມຂ້າງແຂວງ, ເຂົ້າຮ່ວມທັງໝົດ 288 ຄົນ, ຍິງ 143 ຄົນ.

ໃນໂອກາດທີ່​ມີ​ຄວາມ​ໝາຍ​ຄວາມ​ສຳ​ຄັນ​ນີ້, ​ແຕ​ລະ​ທ່ານ​ທີ່​ໄດ້​ຂື້ນ​ປາ​ຖະ​ກະ​ຖາ ກໍ່ໄດ້ຍົກ ໃຫ້ຮູ້ເຖິງປະຫວັດຄວາມເປັນ ມາ ແລະຄວາມໝາຍ ຄວາມສຳ ຄັນຂອງ 3 ວັນດັ່ງກ່າວ ໃນນີ້ ໃຫ້ກຽດຂຶ້ນເຜີຍແຜ່ເອກະ ສານວັນສ້າງຕັ້ງອົງການກວດ ກາພັກ-ລັດ ຄົບຮອບ 39 ປີ ໂດຍທ່ານ ແຖວຄຳ ພົມມະວົງ ຮອງປະທານກວດກາພັກ-ລັດແຂວງ, ເອກະສານວັນສ້າງ ຕັ້ງພັກ ປະຊາຊົນ ປະຕິວັດລາວ ຄົບຮອບ 66 ປີ ເຜີຍແຜ່ໂດຍ ທ່ານ ແກ້ວອຸດອນ ປານປັນຍາ ອະດີດຮອງຫົວໜ້າຄະນະໂຄ ສະນາອົບຮົມແຂວງ ແລະ ທ່ານ ພັທ ບຸນມາ ສອນໄຊຍະວົງ ປະທານສະຫະພັນນັກຮົບເກົ່າ ແຂວງ ຂຶ້ນເລົ່າຄືນເຖິງປະຫວັດ ວັນຄຽດແຄ້ນຂອງປະຊາຊົນ ລາວ-ວັນນັກຮົບເສຍອົງຄະ ແລະເສຍສະຫຼະຊີວິດ ເພື່ອປະ ເທດຊາດ ຄົບຮອບ 75 ປີ ທັງ ນີ້ກໍ່ເພື່ອເຮັດໃຫ້ຜູ້ເຂົ້າຮ່ວມ ໄດ້ຮັບຮູ້ ເຊື່ອມຊຶມ  ແລະ ເຂົ້າໃຈເລິກເຊິ່ງເຖິງມູນເຊື້ອ ແລະ ຄວາມໝາຍຄວາມສຳ ຄັນຂອງ 3 ວັນປະຫວັດສາດສຳຄັນດັ່ງ ກ່າວ.