ຄະນະໂຄສະນາອົບຮົມແຂວງສະຫວັນນະເຂດ ຈັດຕັ້ງປາຖະກະຖາ 4 ວັນປະຫວັດສາດ

ລາຍລະອຽດ

ສ້າງຂື້ນເມື່ອ ວັນພຸດ, 05 ມີຖຸນາ 2019 02:33

ຄະນະໂຄສະນາອົບຮົມແຂວງສະຫວັນນະເຂດ ຈັດຕັ້ງປາຖະກະຖາວັນວິລະກຳໂຕນຄຸກຢ່າງມະຫັດສະຈັນຂອງບັນດາຜູ້ນຳຂອງພັກ ແລະ ແນວລາວຮັກຊາດ ຄົບຮອບ 59 ປິ ແລະ 3 ວັນປະຫວັດສາດ

        ໃນວັນທີ 31 ພຶດສະພາ 2019 ຜ່ານມາ, ຄະນະໂຄສະນາອົບຮົມແຂວງ ສະຫວັນນະເຂດ ໄດ້ຈັດຕັ້ງປາຖະກະຖາ ເນື່ອງໃນໂອກາດ ວັນຜ່າວົງປິດລ້ອມຂອງກອງ ພັນທີ 2 ວິລະຊົນທີ່ທົ່ງໄຫຫີນ ຊຽງຂວາງ ຄົບຮອບ 60 ປີ, ວັນວິລະກຳໂຕນຄຸກຢ່າງມະຫັດສະຈັນຂອງບັນດາຜູ້ນຳຂອງພັກ ແລະ ແນວລາວຮັກຊາດ ຄົບຮອບ 59 ປິ ໂດຍການໃຫ້ກຽດຂື້ນ ປາຖະກະຖາຂອງທ່ານ ພັທ ບຸນເລີດ ບາງສະຫັວນ ຮອງຫົວໜ້າຫ້ອງການເມືອງ ກອງບັນຊາການທະຫານ ແຂວງສະຫວັນນະເຂດ; ວັນເກິດ ປະທານໂຮ່ຈີມິນ ຄົບຮອບ 129 ປີ ແລະ ວັນຢຶດອຳນາດແຂວງ

ສະຫວັນນະເຂດ ຄົບຮອບ 44 ປີ ໂດຍການໃຫ້ກຽດຂື້ນປາຖະກະຖາຂອງທ່ານ ສົມຈັນ ຈວງໃບຄຳ ພະນັກງານບຳນານ ອາດີດ ຄະນະຢຶດ ອຳນາດຢູ່ແຂວງ ສະຫວັນນະເຂດ ຊຶ່ງຈັດ​ຂື້ນ​ທີ ສະ​ໂມ​ສອນ​ໂຮງຮຽນ​ການ​ເມືອງ-​ການ​ປົກຄອງ​ແຂວງ.

ໃຫ້​ກຽດ​ເຂົ້າ​ຮ່ວມ​ຮັບ​ຟັງ​ປາຖະກະຖາ​​ໃນ​ຄັ້ງ​ນີ້ມີ ທ່ານ ປອ ໂພໄຊ ໄຊຍະສອນ ກຳມະການສຳຮອງສູນກາງພັກ ຮອງເລຂາ ຄະນະບໍລິຫານງານພັກແຂວງ ຮອງເຈົ້າແຂວງສະຫວັນນະເຂດ, ມີບັນດາ​ສະຫາຍເລຂາ, ​ຮອງ​ເລຂາ​, ຄະນະພັກຮາກ​ຖານ, ​ໜ່ວຍ​ພັກ​ເອກະລາດ, ຫົວໜ້າ​, ຮອງ​ຫົວໜ້າ​ພະ​ແນ​ກການ​, ກົມ​ກອງ​, ອົງການ​ແນວ​ລາວ​ສ້າງ​ຊາດ, ອົງການ​ຈັດ​ຕັ້ງ​ມະ​ຊົນ, ​ຄະນະ​ພັກ, ຄະນະ​ບັນຊາ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ, ສະ​ຖາ​ບັນ​ການ​ສຶກສາ, ມະຫາວິທະຍາ​ໄວ-​ວິທະຍາ​ໄລ​ທັງ​ພາກ​ລັດ ​ແລະ ​ເອກະ​ຊົນ, ລັດ​ວິສາ​ຫະກິດ​ພ້ອມ​ດ້ວຍ​ພະນັກ​ນັກ​ງານ​ສາມະ​ຊິ​ພັກ​ອ້ອມ​ຂ້າງ​ຢ່າງພ້ອມພຽງ. ເຂົ້າ​ຮ່ວມ​ທັງ​ໝົດ 368 ທ່ານ, ຍິງ 164 ທ່ານ.

​ເຊີ່ງ​ການ​ໃຫ້​ກຽດ​ຂຶ້ນ ​ປາຖະກະຖາ​ໃນ​ຄັ້ງ​ນີ້ ແຕ່ລະ​ທ່ານ​ໄດ້​ຍົກ​ໃຫ້​ເຫັນ ​ເຖີງເຫດການທີ່ສຳຄັນ ແລະ ມູນ​ເຊື່ອປະຫວັດສາດ ຄວາມ​ພິລະອາດຫານ ສະຫຼາດສ່ອງໃສຂອງ ບັນດາຜູ້ນຳຂອງພັກ ແລະ ແນວລາວຮັກຊາດ ເຊີ່ງໄດ້ລົບຫນີອອກຈາກຄຸກ ໂພນເຄັງໄດ້ຢ່າງມະຫັດສະຈັນ; ເວົ້າເຖີງການຈັດຕັ້ງນຳພາ -ບັນຊາການທີ່ໜັກແໜ້ນ, ເດັດດ່ຽວອາດຫານ ແລະ ສະຫຼາດສ່ອງໃສຂອງ ບັນດານັກຮົບກອງ ພັນທີ 2 ທີ່ສາມາດຜ່າວົງປິດລ້ອມຂອງສັດຕູໄດ້ຢ່າງມີໄຊ; ເວົ້າເຖີງເຫດການ ຂະບວນການຢຶດອຳນາດຂອງຊາວແຂວງສະຫວັນນະເຂດ ໃນວັນທີ 31 ພຶດສະພາ 1975 ເຊີ່ງມັນເປັນການປະກອບສ່ວນອັນໃຫຍ່ຫລວງ ເຂົ້າໃນໄຊຊະນະລວມຂອງການປົດປ່ອຍປະເທດຊາດ ຢ່າງສົມບູນໃນວັນທີ 2 ທັນວາ 1975; ລະນຶກເຖີງຊີວິດ, ການເຄື່ອນໄຫວປະຕິວັດ ແລະ ຄຸນງາມຄວາມດີຂອງປະທານ ໂຮ່ຈີມິນໃນນັ້ນ ທ່ານຍັງໄດ້ເວົ້າເຖີງຄວາມສາມັກຄີພິເສດລະຫວ່າງສອງພັກ -ສອງລັດ ແລະ ປະຊາຊົນສອງຊາດ ລາວ-ຫວຽດນາມ.

ໃນການປາຖະກະຖາຄັ້ງນີ້ ແມ່ນເພື່ອ​ສ້າງ​ຄວາມ​ຮັບ​ຮູ້​ເຂົ້າ​ໃຈ​ຢ່າງເລິກເຊິ່ງໃຫ້ແກ່ ​ພະນັກງານ​ - ລັດຖະກອນ ​ເຫັນ​ໄດ້​ເຖິງ​ຕົ້ນກຳ​ເນີ​ດ, ມູນ​ເຊື້ອ​ອັນ​ດີງາມ, ຄວາມ​ພິລະອາດຫານ, ສະຫຼາດສ່ອງໃສຂອງພັກ​ປະຊາຊົນ​ປະຕິວັດ​ລາວ ເພື່ອ​ພ້ອມ​ກັນ​ປົກ​ປັກ​ຮັກສາ ​ແລະ ສ້າງສາ​ພັດທະ ນາ​ປະ​ເທດ​ຊາດ ​ໃຫ້ນັບ​ມື້​ຈະ​ເລີ​ນຮຸ່ງ​ເຮືອງ ​ແລະ ​ເຂັ້ມ​ແຂງ​ຂຶ້ນ​ເລື້ອຍໆ.

• < ຕໍ່ໄປ